/Procreditbank.am/ ՊրոԿրեդիտ Բանկը հունիսի 23–ին Գյումրի քաղաքում հաճախորդների համար բացեց իր նոր մասնաճյուղի հյուրընկալ դռները։ Մասնաճյուղը գտնվում է Աբովյան փ.248 հասցեում, քաղաքի ամենագեղեցիկ և բանուկ վայրերից մեկում՝ Գյումրու Կենտրոնական հրապարակում։ ՊրոԿրեդիտ Բանկի թվով 5-րդ «Գյումրի» մասնաճյուղը Կենտրոնական բանկի կողմից պաշտոնապես գրանցվեց 2009թ.–ի հունիսի 12–ին: Կարևորելով Գյումրի քաղաքի դերն ու նշանակությունը, մասնաճյուղի նպատակն է աջակցել փոքր ու միջին բիզնեսներին, զարգացնել խնայողության մշակույթը բնակչության լայն շրջանակներում և մատուցել առավել որակյալ, մատչելի ու թափանցիկ բանկային ծառայություններ:
ՊրոԿրեդիտ Բանկը Հայաստանում միջազգային բանկերից առաջինն էր, որ 2008 թ.-ի հուլիսին բացեց մասնաճյուղ Լոռվա մարզի Վանաձոր քաղաքում։ Ընդլայնելով մասնաճյուղերի ցանցը՝ Բանկը նպատակ ունի ներկայացված լինել հնարավորինս շատ համայնքներում և հանրապետության բոլոր մարզերում, այսպիսով զարգացնելով «Հարևան Բանկ» գաղափարն ու առաջարկելով բարձրակարգ բանկային ծառայություններ յուրաքանչյուրի համար։ Հուլիսի 02-ին Բանկը կազմակերպեց տոնական հյուրասիրություն՝ հանդիսավոր նշելով մասնաճյուղի բացումը «Հարևան Բանկ» միջոցառման շրջանակներում, որին մասնակցեցին շրջակայքում գնտվող կամ բնակվող կազմակերպությունների ներկայացուցիչներն ու բնակիչները:
Բերտոլտ Հերցֆելդ, ՊրոԿրեդիտ Բանկի գործադիր տնօրեն,- «Մենք հավատացած ենք, որ մեր Բանկի նոր «Գյումրի» մասնաճյուղը իր զգալի ներդրումը կունենա Գյումրի քաղաքի և առհասարակ Շիրակի մարզի տնտեսության զարգացման գործընթացում։ Ունենալով ուղղվածություն՝ աջակցել փոքր և միջին բիզնեսներին, մենք ակնկալում ենք երկարատև արդյունավետ համագործակցություն։ Բարի գալուստ ՊրոԿրեդիտ Բանկի նոր «Գյումրի» մասնաճյուղ»։
