/AEB.am/Հայէկոնոմբանկը (AEB) այսօր Շիրակի մարզի` Հայաստանի Հանրապետությունում մեծությամբ երկրորդ` Գյումրի քաղաքի 58-րդ թաղամասում բացում է իր հերթական 35-րդ, իսկ Գյումրիում թվով երկրորդ մասնաճյուղը:
Հայէկոնոմբանկը շարունակելով մասնաճյուղային ցանցի ընդլայնման և ՀՀ բոլոր մարզերում բանկի ներկայացվածության ապահովման իր որդեգրած տարածքային քաղաքականությունը, ինչպես նաև, հաշվի առնելով Գյումրի քաղաքի բնակչության և Հայէկոնոմբանկի “Գյումրի” մասնաճյուղի հաճախորդների կողմից բանկային բարձրորակ, միջազգային չափանիշներին համապատասխան ծառայությունների նկատմամբ ավելացող պահանջարկը, առկա հաճախորդների սպասարկման բարելավման և նոր հաճախորդների ներգրավման, բանկի գործառնությունների ընդլայնման հնարավորությունները` Շիրակի մարզի Գյումրի քաղաքում բացում է ՀՀ մարզերում իր հերթական 17-րդ մասնաճյուղը:
Հայէկոնոմբանկի նորաբաց մասնաճյուղը իր գործունեությունը ծավալելու է նոր վերանորոգված, միջազգային ստանդարտներին համապատասխան առաջնակարգ բանկային ծառայությունների մատուցման համար անհրաժեշտ ժամանակակից սարքավորումներով ապահովված շենքում` հաճախորդների արդյունավետ սպասարկման հիմքում ունենալով որակյալ կադրային բազա:
Մասնաճյուղը իրականացնելու է բանկային բոլոր գործառնությունները (ցպահանջ և ժամկետային ավանդների ընդունում, վարկերի տրամադրում, հաշիվների սպասարկում, վճարահաշվարկային ծառայություններ, մի շարք վճարային համակարգերով փոխանցումների կատարում, ֆինանսական խորհրդատվություն և այլն): Ընդ որում, մինչև տարեվերջ իրականացվող զեղչային ակցիայի շրջանակներում մասնաճյուղի կողմից որոշ ծառայություններ մատուցվելու են հաճախորդների համար առավել նպաստավոր պայմաններով.
Հաշիվների բացում` անվճար
Պլաստիկ քարտերի տրամադրում և սպասարկում` անվճար
Ոսկյա իրերի գրավադրմամբ վարկերի տրամադրում` տարեկան 18%
Հիփոթեքային վարկերի տրամադրում` տարեկան 12-14%
Հայէկոնոմբանկը Հայաստանի բանկային համակարգի հաստատուն առաջատարներից է: 2009թ.-ի հոկտեմբերի 27-ի դրությամբ Հայէկոնոմբանկի ընդհանուր կապիտալը գերազանցում է 8.55 մլրդ ՀՀ դրամը, ընդհանուր ակտիվները կազմում են մոտ 51 մլրդ դրամ, վարկային ներդրումները` ավելի քան 29.4 մլրդ դրամ, ֆիզիկական անձանց ավանդները` ավելի քան 5.85 մլրդ դրամ: Բանկն ունի 35 մասնաճյուղ Հայաստանի Հանրապետությունում և Արցախում:
