/Araratbank.am/ Այսօր Մարիոթ Արմենիա հյուրանոցում կայացած շնորհանդեսի ընթացքում ԱՐԱՐԱՏԲԱՆԿԻ (ARARATBANK) վարչության նախագահ Աշոտ Օսիպյանը հայտարարեց ԱՐԱՐԱՏԲԱՆԿԻ Mifare տեխնոլոգիայով նոր DUAL քարտի մեկնարկի եւ քարտային ծրագրի մասին:
Ներկայացնելով նոր քարտային ծրագիրը, ԱՐԱՐԱՏԲԱՆԿԻ պլաստիկ քարտերով գործառնությունների վարչության պետ Գրիգոր Ցոլակյանը նշեց, որ ԱՐԱՐԱՏԲԱՆԿԻ նոր … CLASSIC-M քարտը երկակի կիրառման (DUAL) քարտ է, որում համադրված են ԱՐՔԱ (ArCa) համակարգի վճարային բանկային քարտի եւ Երևանի Մետրոպոլիտենում ուղևորությունների համար վճարումներ կատարելու միջոց հանդիսացող Mifare /առանց կոնտակտի/ տեխնոլոգիայով քարտի բոլոր հնարավորությունները:
Որպես բանկային քարտ CLASSIC-M-ով ԱՐԱՐԱՏԲԱՆԿԻ հաճախորդները կարող են ընդգրկվել ԱՐԱՐԱՏԲԱՆԿԻ աշխատավարձային ծրագրերում, օգտվել ԱՐԱՐԱՏԲԱՆԿԻ վարկային գծերից, ստանալ կրթաթոշակներ, ցանկացած գումարի փոխանցում իրենց քարտային հաշվին, արագ եւ անվտանգ վճարումներ կատարել ձեռք բերված ապրանքների եւ ծառայությունների դիմաց խանութներում, սուպերմարկետներում, ԱՐՔԱ վճարային համակարգի բազմաթիվ սպասարկման կետերում, կանխիկացնել իրենց քարտային հաշվում առկա գումարը, օգտվել ԱՐԱՐԱՏԲԱՆԿԻ զեղչային ցանցից եւ բոնուսային ծրագրերից:
Անդրադառնալով CLASSIC-M-ին որպես ուղևորությունների համար վճարամիջոց, Գ. Ցոլակյանը նշեց, որ դա ժամանակակից Mifare /առանց կոնտակտի/ տեխնոլոգիայի վրա հիմնված քարտ է: Այն նախապես համալրելով (լիցքավորելով) որոշակի գումարով, ԱՐԱՐԱՏԲԱՆԿԻ հաճախորդները կարող են վճարել իրենց ուղևորության դիմաց Երևանի Մետրոպոլիտենի բոլոր կայարաններում: Դրա համար ընդամենն անհրաժեշտ է քարտը մոտեցնել համապատասխան սարքին: CLASSIC-M-ը վայրկենապես հնարավոր է լիցքավորել ինչպես Երևանի մետրոպոլիտենի բոլոր կայարաններում, այնպես էլ ԱՐԱՐԱՏԲԱՆԿԻ ցանկացած մասնաճյուղում:
Նշվեց նաեւ, որ CLASSIC-M-ը հաճախորդներին կտրամադրվի Երևանի մետրոպոլիտենի համակարգում վճարումներ կատարելու համար արդեն իսկ ակտիվացված եւ 6 անվճար ուղևորության հնարավորությամբ:
