Յունիբանկ
2010թ. առաջին եռամսյակի տվյալներով՝ «Յունիբանկը» ժամկետային ավանդների գծով պահպանել է առաջատարի իր դիրքերը ՀՀ բանկային համակարգում: Բանկի ժամկետային ավանդների ծավալը կազմել է 73,7 մլրդ, որից 48 մլրդ-ը` ֆիզիկական անձանց ավանդները: Անցած տարվա նույն ժամանակահատվածի համեմատ՝ 2010թ. առաջին եռամսյակում «Յունիբանկի» ժամկետային ավանդների ծավալն աճել է 67,5 տոկոսով:
Այդպիսով «Յունիբանկն» արդեն մի քանի տարի է՝ ՀՀ բանկային համակարգում ժամկետային ավանդների գծով զբաղեցնում է առաջին դիրքը: Բանկի ցպահանջ ավանդների ծավալը՝ 31.03.2010թ. դրությամբ կազմել է 14 մլրդ, աճը նախորդ տարվա նույն ժամանակահատվածի համեմատ` ավելի քան 52 տոկոս:
Ինչպես նշեց «Յունիբանկի» մանրածախ ավանդների վարչության պետ Դիանա Ջեյրանյանը, ավանդների զգալի ներհոսքը պայմանավորված է նոր ավանդատեսակների մշակմամբ և գրավիչ տոկոսադրույքներով: «Մենք կշարունակենք նոր ավանդատեսակների մշակումը ինչպես ֆիզիկական, այնպես էլ իրավաբանական անձանց համար: Մեր հիմնական խնդիրը մրցակցային առավելությունների ապահովումն է , այդ թվում` յուրաքանչյուր ավանդատուի նկատմամբ անհատական մոտեցման ցուցաբերումը»,-ասում է Դիանա Ջեյրանյանը:
