ԱՐԱՐԱՏԲԱՆԿԸ վերակազմավորվել է փակ բաժնետիրական ընկերության 2005 թվականի սեպտեմբերին:

ԱՐԱՐԱՏԲԱՆԿԸ բաց բաժնետիրական ընկերություն է 2007 թվականի օգոստոսից:

ԱՐԱՐԱՏԲԱՆԿԸ Հայաստանի բանկերի միության անդամ է, հանդիսանում է ՀՀ ֆինանսների եւ էկոնոմիկայի նախարարության գործընկերը ներքին պետական պարտքի կառավարման ոլորտում:

ԱՐԱՐԱՏԲԱՆԿԸ 2007 թվականից հանդիսանում է առաջնային եւ երկրորդային շուկաներում ՀՀ պետական պարտքի կառավարման ոլորտում կառավարության գործակալ, սպասարկում է թվով 40 իրավաբանական եւ ֆիզիկական անձ հաճախորդների:

ԱՐԱՐԱՏԲԱՆԿԸ տեղական ArCa եւ միջազգային SWIFT վճարային համակարգերի մասնակից է: 2006 թվականից հանդիսանում է Արմենիան քարդ ընկերության բաժնետեր եւ լիիրավ անդամ: Բանկը թողարկել է ArCa Classic, ArCa Junior, ArCa Green Line, ինչպես նաեւ AUTOCARD բանկային վճարային քարտեր, §Ընտանեկան քարտեր¦ փաթեթը, նվեր քարտ: 2009 թ. հունիսի 30-ի դրությամբ բանկի կողմից թողարկված քարտերի քանակը կազմել է 26,398 հատ, կամ շուկայում թողարկված քարտերի 7%-ը:

ԱՐԱՐԱՏԲԱՆԿԸ 2007 թվականի ընթացքում դարձել է MasterCard համակարգի աֆիլիատ անդամ:

ԱՐԱՐԱՏԲԱՆԿԸ 2008 թվականին թողարկել է MasterCard Գոլդ, Բիզնես, Ստանդարտ եւ Մաեստրո քարտերը: 2008թ 4-րդ եռամսյակի ընթացքում բանկն իր հաճախորդներին տրամադրել է 4646 պլաստիկ քարտ` դրանց ընդհանուր թվաքանակը հասցնելով 26,398-ի: Տրամադրած տեղական քարտերով ԱՐԱՐԱՏԲԱՆԿԸ ՀՀ բանկերի մեջ զբաղեցնում է 4-րդ տեղը կամ շուկայի մոտ 10 %-ը:

ԱՐԱՐԱՏԲԱՆԿԸ իրականացնում է միջազգային արագ դրամական փոխանցումներ Անելիք, Xpress Money, MIGOM, БТФ-СОЮЗ, PrivatMoney, Blizko, БЫСТРАЯ ПОЧТА եւ այլ հայտնի համակարգերով:

ԱՐԱՐԱՏԲԱՆԿԸ 2007 թվականին Վերակառուցման եւ Զարգացման Եվրոպական Բանկի (EBRD) հետ կնքել է 6 մլն. ԱՄՆ դոլարի վարկային պայմանագիր փոքր ու միջին բիզնեսի վարկավորման եւ առեւտրի խթանման նպատակով:

ԱՐԱՐԱՏԲԱՆԿԸ 2006 թվականի հոկտեմբերից մասնակցում է գերմանական KFW §Հիփոթեկային շուկայի կայուն զարգացում¦ ծրագրին:

ԱՐԱՐԱՏԲԱՆԿԸ 2007 թվականին շվեյցարական §Իզմիրլյան հիմնադրամի¦ հետ կնքել է Հայաստանի Հանրապետության ձեռնարկություններին բիզնես վարկեր տրամադրելու համավարկավորման պայմանագիր:

ԱՐԱՐԱՏԲԱՆԿՆ ունի Global Rating միջազգային անկախ վարկանիշային գործակալության կողմից շնորհված BB- (’Հնարավոր բարձրացում’) վարկային վարկանիշ:

ԱՐԱՐԱՏԲԱՆԿԸ 2008թ. դեկտեմբերի 31-ի դրությամբ սպասարկում է ավելի քան 34000 ֆիզիկական եւ իրավաբանական անձանց:

ԱՐԱՐԱՏԲԱՆԿԸ 2007 թ., որպես ֆինանսական նոր գործիք, առաջինը Հայաստանում թողարկել է 12 ամիս մարման ժամկետով, արժեկտրոնի եռամսյակային վճարմամբ կորպորատիվ արժեկտրոնային պարտատոմսեր, որի ծավալը կազմել է 250.000 հազ. ՀՀ դրամ, որոնք ցուցակվել են Հայաստանի ֆոնդային բորսայի վերին` A-bond մակարդակում:

ԱՐԱՐԱՏԲԱՆԿԸ 2008 թվականին թողարկել է 10.000 դրամ անվանական արժեքով, 18 ամիս մարման ժամկետով, արժեկտրոնի եռամսյակային վճարմամբ կորպորատիվ արժեկտրոնային պարտատոմսեր, որի ծավալը կազմել է 400,000 հազ. ՀՀ դրամ: Պարտատոմսերը ցուցակվել են Հայաստանի ֆոնդային բորսայի վերին` A-bond մակարդակում:

ԱՐԱՐԱՏԲԱՆԿԻ` ՀՖԲ-ում պարտատոմսերով իրականացված գործառնությունների ծավալը 2008 թվականի հուլիս-դեկտեմբեր ամիսների ընթացքում կազմել է 111.672.2 հազ. ՀՀ դրամ, ինչը կազմել է Բորսայի շրջանառության 10.2 %-ը:
Աղբյուր`www.nasdaqomx.am

ԱՐԱՐԱՏԲԱՆԿԻ միջին տարեկան ներդրումները պետական պարտատոմսերում, նախորդ տարվա միջինի համեմատ, աճել են 1.6 մլրդ. դրամով կամ 42.6% եւ կազմում են 5.5 մլրդ դրամ:

ԱՐԱՐԱՏԲԱՆԿԸ 2008 թ, կանոնադրական կապիտալի համալրման նպատակով իրականացրել է բաժնետոմսերի լրացուցիչ 1 թողարկում:

ԱՐԱՐԱՏԲԱՆԿԻ բաժնետոմսերի արժեքի աճը 2008թ.-ի ընթացքում կազմում է 87.7 տոկոս:
Աղբյուր`www.nasdaqomx.am

ԱՐԱՐԱՏԲԱՆԿ ԲԲԸ 30.01.2009թ.-ից դարձել է ՆԱՍԴԱՔ ՕԷՄԵՔՍ Արմենիա-ի անդամ: Բորսային անդամի կարգավիճակը բանկին հնարավորություն է տալիս առևտուր իրականացնելու բորսայում շրջանառվող բոլոր գործիքներով, ներառյալ կորպորատիվ արժեթղթերը, ռեպո պայմանագրերը, պետական պարտատոմսերն ու արտարժույթը:

ԱՐԱՐԱՏԲԱՆԿԻ սպասարկման ցանցը ներառում է 25 կանխիկացման կետ, ինչպես նաեւ 24 բանկոմատ:

ԱՐԱՐԱՏԲԱՆԿԸ Երեւանում եւ մարզերում ունի 27 մասնաճյուղ:

ԱՐԱՐԱՏԲԱՆԿԸ 2009թ. հունիսի 30-ի դրությամբ ունի 294 աշխատակից:

ԱՐԱՐԱՏԲԱՆԿի ընդհանուր ակտիվները 30.06.2009թ. դրությամբ կազմում են 28.062,6 մլն դրամ: Աճը նախորդ եռամսյակի համեմատությամբ կազմում է 92,6 մլն դրամ կամ 0.3 %:

ԱՐԱՐԱՏԲԱՆԿԻ Պարտավորությունները կազմում են 20.446,6 մլն դրամ: Աճը նախորդ եռամսյակի համեմատությամբ կազմում է 108,3 մլն դրամ կամ 0.5 %:

ԱՐԱՐԱՏԲԱՆԿԻ ընդհանուր կապիտալը 30.06.2009թ. դրությամբ կազմում է 7.616,0 մլրդ դրամ` նախորդ եռամսյակի համեմատությամբ նվազելով 15.7 մլն դրամով կամ 0.2 %-ով: Բանկի ընդհանուր կապիտալի նվազումը պայմանավորված է արժեթղթերի վերագնահատման պահուստի 73.0 մլն դրամ նվազումով:

ԱՐԱՐԱՏԲԱՆԿԻ 2-րդ եռամսյակի շահույթը կազմում է 57,5 մլն դրամ` նախորդ եռամսյակի 14,0 մլն դրամ վնասի փոխարեն: Արդյունքում ընթացիկ տարվա շահույթը կազմում է 43.5 մլն դրամ:

Բանկի առաքելությունը

ԱՐԱՐԱՏԲԱՆԿԻ առաքելությունն է` օգտագործելով բանկային համակարգի զարգացման նոր տեխնոլոգիաները, ստեղծելով բանկ-հաճախորդ հարաբերությունների յուրօրինակ բիզնես մշակույթ, մատուցել ժամանակակից, բարձրակարգ եւ որակյալ բանկային ծառայություններ:

Ապահովելով հանրային գործունեություն, լինելով մատչելի եւ թափանցիկ հասարակության յուրաքանչյուր անդամի համար, ԱՐԱՐԱՏԲԱՆԿՆ իրեն համարում է իր յուրաքանչյուր հաճախորդի խնայողությունների եւ դրամական միջոցների վստահելի պահապանը:

Լինելով Հայաստանի բանկային համակարգի ամենադինամիկ զարգացող բանկերից մեկը, ընդլայնելով մասնաճյուղերի ցանցը եւ մատուցվող բանկային ծառայությունների շրջանակները, մասնակցելով միջազգային խոշոր վարկային ծրագրերի, մեծացնելով տնտեսության իրական հատվածի վարկավորումը, ուրույն տեղ գրավելով պարտատոմսերի, հիփոթեկային եւ սպառողական վարկավորման շուկաներում եւ ավանդային քաղաքականության ոլորտում, սերտացնելով կապերը Եվրոպական միջազգային կազմակերպությունների հետ, զարգացնելով գործընկերային հարաբերությունները միջազգային խոշոր բանկերի, ֆինանսական կառույցների հետ, բարձր գնահատելով կորպորատիվ կառավարման արժեքային համակարգը, իր բոլոր աշխատակիցների մասնագիտական հմտությունները, կարողությունները, մարդկային որակները

ԱՐԱՐԱՏԲԱՆԿԸ նպատակ ունի առաջատար տեղ գրավել Հայաստանի բանկային համակարգում` նպաստելու իր հաճախորդների, բաժնետերերի, իր անձնակազմի` ասել է թե Հայաստանի Հանրապետության բոլոր քաղաքացիների բարեկեցությանն ու կենսամակարդակի բարելավմանը, բարօրությանը: