Մանկական ավանդներ
Ժամկետային ավանդներ

Մասնաճյուղեր
Բանկոմատներ

Հանդիսանալով ունիվերսալ ֆինանսավարկային կառույց, ՀայԷկոնոմբանկը իր հաճախորդներին առաջարկում է բանկային ծառայությունների ընդգրկուն փաթեթ: ՀայԷկոնոմբանկը /նախկին ԽՍՀՄ “Բնակսոցբանկի” հայկական հանրապետական բանկ/ Հայաստանի Հանրապետության պետական բանկերից առաջինն է վերակազմավորվել բաժնետիրական բանկի և գրանցվել Հայաստանի Հանրապետության Կենտրոնական Բանկում 1991թ. օգոստոսի 26-ին /գրանցման թիվ 1/: 1997 թվականին բանկի բաժնետիրական կապիտալի կառուցվածքը ենթարկվեց արմատական փոփոխության, ինչը կապված էր ռազմավարական ներդրողի ներգրավման հետ` ի դեմս “Սիլ Կոնցեռնի” հիմնադիրներ Սուքիասյանների ընտանիքի:

Բանկը լուծեց կապիտալիզացիայի խնդիրը` մեկ տարվա ընթացքում հնգապատկելով կանոնադրական կապիտալը: Ներկայումս, բանկը նշանակալի մասնակցություն ունի “Սիլ Ինշուրանս” ՓԲԸ-ի և “Էկոնոմինկասացիա” ԴՓԲԸ բաժնեմասերում: Բանկը մասնակցել է Վերակառուցման և Զարգացման Եվրոպական բանկի /EBRD/, Միջազգային ֆինանսական կորպորացիայի` IFC, Համաշխարհային բանկի (փոքր և միջին բիզնեսի ֆինանսավորման ծրագիր ), Հայ-գերմանական Հիմնադրամի (միկրո և փոքր բիզնեսի վարկավորման ծրագիր) միջազգային վարկային ծրագրերին: 2006 թվականի հոկտեմբերից բանկը մասնակցում է գերմանական KfW բանկի “Հիփոթեքային շուկայի կայուն զարգացում” ծրագրին: Բանկը հանդիսանում է Միջազգային Ֆինանսական Հաղորդակցությունների Համաշխարհային Ընկերության (S.W.I.F.T) անդամ, MONEY GRAM, MIGOM, PRIVATMONEY, ANELIK, LEADER, BLIZKO և Быстрая Почта վճարային համակարգերի անդամ, ինչպես նաև դարձել է EUROPAY INTERNATIONAL վճարային համակարգի աֆիլյանտ անդամ, միացել է REUTERS համակարգին:

Բանկի գործունեության կարևորագույն ուղղություններից է նաև` էլեկտրոնային ֆորմատում բանկային ծառայությունների մատուցումը (ինտերնետային տեխնոլոգիաների ներդրում) և պլաստիկ քարտերի թողարկումը և սպասարկումը: Հանդիասանալով երկրի ԱՐՔԱ վճարահաշվարկային համակարգի հիմնադիր անդամ, բանկը սպասարկում է քարտային շուկայի զգալի հատվածը: Բացի քարտերով ավանդական ծառայություննեից, բանկը երկրի խոշորագույն տնտեսական կառույցներին մատուցում է նրանց աշխատակիցների աշխատավարձերի քարտերով տրամադրման ծառայությունը:

Բանկը հանդիսանում է ներքին պետական կառավարման ՀՀ Կառավարության գործակալ: Բանկի բաժնետոմսերը շրջանառվում են Հայաստանի ֆոնդային բորսայում (ArmEx): 2007թ. Moody’s Investors Service միջազգային վարկանիշային ընկերությունը բանկին արժանացրել է ֆինանսական կայունության D- և ՀՀ դրամով և արտարժույթով երկարաժամկետ ավանդների Ba3 վարկանիշների: 2008թ. AmRating/GlobalRating վարկանիշային գործակալությունը բանկին շնորհել է “BB+” վարկային վարկանիշը` ” հնարավոր բարձրացում” կանխատեսմամբ: Այսօր ՀայԷկոնոմբանկը ունի լայն մասնաճյուղային ցանց, որը բաղկացած է 34 մասնաճյուղից, որոնցից 17-ը գտնվում են Երևանում, 16-ը ` ՀՀ մարզերում, 1-ը` ԼՂՀ-ում:

Բանկը սպասարկում է հաճախորդների խոշոր զանգված: Բանկի ակտիվ գործող հաճախորդների թիվը 30.06.2009թ. դրությամբ կազմում է ավելի քան 72.2 հազար իրավաբանական և ֆիզիկական անձ, որոնց գերակշռող մասը գտնվում է մայրաքաղաքում: 30.06.2009թ. դրությամբ բանկն ունի 1422 բաժնետեր (ոչ ռեզիտենտ` 16 բաժնետեր (36.9%)), որոնցից ամենախոշորներն են Սուքիասյան եղբայրները (53,5%) և Վերակառուցման և Զարգացման Եվրոպական բանկը (25%): Բանկի աշխատակիցների թիվը` 673 մարդ (առ 30.06.2009): 30.06.2009թ. դրությամբ ՀայԷկոնոմբանկի ընդհանուր ակտիվները կազմել են 44,591.9 մլն. դրամ, ընդհանուր կապիտալը` 8,109.0 մլն. դրամ, իսկ ընդհանուր պարտավորությունները` 36,482.9 մլն. դրամ: 30.06.2009 թ. դրությամբ բանկի գործունեությունից ձևավորել է 353.5 մլն. դրամի վնաս:

Հայէկոնոմբանկի գործունեությունն ուղղված է բաժնետերերի, հաճախորդների, աշխատակիցների եւ հասարակության համար անհրաժեշտ բարիքների ստեղծմանը:

Հայէկոնոմբանկը, իր հիմնական առաքելությունը, դիտարկում է հետեւյալ չորս ուղղություններով`

1.որպես ՀՀ բանկային համակարգի համակարգաստեղծ օղակ /հասարակության տեսակետից/

2.որպես արդյունավետ ներդրման ոլորտ /բաժնետերերի տեսակետից/

3.որպես հուսալի եւ կայուն գործընկեր /հաճախորդների եւ գործընկերների տեսակետից/

4.որպես ցանկալի գործատու /աշխատակազմի տեսակետից/:

1. Բանկը իր առաքելությունը տեսնում է միջազգային չափանիշներով ռիսկերի գործուն համակարգով, առաջընթաց տեխնոլոգիաներով զարգացող, օրինապաշտ, թափանցիկ կառույցի զարգացում, որը իր գործունեությամբ նպաստում եւ ապահովում է թե ՀՀ բանկային համակարգի կայունությունը, թե երկրի տնտեսության զարգացումը:

2. Որպես գրավիչ ներդրման ոլորտ, բանկը ենթադրում է իր բաժնետոմսերի արժեքի /հաշվեկշռային, շուկայական/ աճ, զուգակցված ամենամյա շահաբաժինների վճարման քաղաքականությամբ, զարգացնելով կորպորատիվ կառավարման արժեքները:

3. Որպես ունիվերսալ բանկային կառույց, փոխշահավետ պայմաններով, օգտագործելով իր լայն մասնաճյուղային ցանցը, ստանձնած բոլոր պարտավորությունների կատարում թե հաճախորդների թե գործընկերների /ներքին, միջազգային/ նկատմամբ` մատուցելով բանկային ծառայությունների ամբողջական փաթեթ, վերջինիս մշտական ընդլայնմամբ եւ բազմազանմամբ, միջազգային չափանիշներին մոտեցմամբ:

4. Որպես գործատու արդյունավետ կադրային քաղաքականության վարմամբ, ապահովել իր աշխատակիցների մասնագիտական առաջընթացը եւ բարեկեցությունը, համաձայն նրանց աշխատանքային գործունեության եւ ունակությունների: